Cdo fatkeqësi, një mundësi...

Pengesa në rrugët tona

Në kohët e lashta një mbret vendosi një gur të madh në një rrugë. Më pas ai u fsheh dhe vinte re nëse ndokush do ta hiqte gurin e madh.

Disa nga njerëzit e pasur të mbretit kaluan andej dhe ecën duke e anashkaluar gurin, që ndodhej në mes të rrugës.

Të tjerët e fajësuan mbretin me zë të lartë për mosmirëmbajtjen e pastër të rrugës, por akush nuk bëri asgjë për të hequr gurin nga rruga. Më vonë një fshatar kalonte andej duke transportuar një ngarkesë me perime. Kur iu afrua gurit, fshatari la ngarkesën e tij dhe u përpoq të largonte gurin në anë të rrugës. Më në fund, pas shumë përpjekjesh ia doli mbanë. Por, ndërsa po ngrinte mbi shpinë ngarkesën me perime, ai vuri re që në vendin e gurit të madh ndodhej një çantë. Çanta kishte brenda shumë monedha ari, dhe një shënim nga vet mbreti ku thuhej se ari ishte për atë njeri i cili do të hiqte gurin nga rruga. Fshatari mësoi atë që shumë nga ne nuk e kuptojmë kurrë.

Çdo pengesë paraqet një mundësi për të përmirësuar gjendjen tonë.